Inauguración de gravados "ÁNXELES", do artista serbio Veljko Mihajlovic
A mostra, que se celebra con ocasión do Centenario do establecemento das relacións diplomáticas entre España e Serbia, poderá visitarse ata o 28 de outubro en horario de 10 a 14 e de 16 a 20 horas. Festivos: de 10 a 14 horas.
VELJKO MIHAJLOVIC (1948) é un artista serbio que vive e traballa en Belgrado. Prepara as súas exposicións por ciclos e de maneira autónoma. Esta é a súa exposición individual nº 189 e a 46ª en Belgrado. Recibiu os premios máis importantes nacionais entre os que destacan: "Djordje Andrejevic Kun", o premio "Vuk", o premio "Joakim Vujic" entre outros. Expuxo en moitas cidades de Serbia e no estranxeiro: en Hungría, Grecia, Romanía, Montenegro, Macedonia, Italia, Francia
Con respecto a esta exposición, o artista obtivo en 2009 o permiso do bispo de ica e a axuda da abadesa do mosteiro de Uspenje para poñerse a traballar no ciclo "Os anxos da diocese de ica". Visitou 38 mosteiros e de todo o material recolleito fixo 60 gravados que os estampou en papel.
Os anxos representan a esencia temática do mapa creativo dos gravados de Veljko Mihajlovic. Aparecen case monocromaticamente fundidos co interior, cuxa atmosfera etérea e taciturna obtén utilizando o po de prata, esparexido polo fondo e sublimado nas súas ás. Os anxos aparecen como guerreiros-gardiáns e como guías. Sometendo o motivo orixinal á reformación creativa, cambiando o punto de vista, o artista obtén imaxes completamente diferentes. A invención de Mihajlovic saca as figuras dos anxos das súas formas arquitectóncias reais para permitirlles estender as súas ás e moverse aleteando no espazo.
